ემოციური განვითარება
ცხოველთან ურთიერთობა ბავშვის ემოციურ ინტელექტს ამდიდრებს. ის უყალიბებს სითბოს, მზრუნველობისა და ემპათიის უნარს. პატარა პატრონი სწავლობს, როგორ მოუაროს სხვას, როგორ გამოხატოს სიყვარული და სიფრთხილე.

სტრესის შემცირება
კვლევების მიხედვით, ცხოველთან ურთიერთობა ამშვიდებს ბავშვის ნერვულ სისტემას, ამცირებს შფოთვას და აძლევს მათ უსაფრთხოების განცდას.

იმუნური სისტემის გაძლიერება
დადგენილია რომ ბავშვები, რომლებიც ცხოველებთან იზრდებიან, ნაკლებად ავადდებიან ალერგიებითა და ასთმით. მათი ორგანიზმი პატარა ასაკიდანვე ძლიერდება, რადგან ეჩვევა სხვადასხვა ბაქტერიას.

პასუხისმგებლობა
შინაური ცხოველი ხშირად ბავშვის ცხოვრებაში პირველი პასუხისმგებლობაა. მისი კვება, თამაში, წყლის გამოცვლა ან თათების გაწმენდა პატარას ასწავლის მოვლის უნარს და აყალიბებს ყოველდღიურ ჩვევებს.

სოციალური და კომუნიკაციის უნარები
ცხოველთან საუბარი და თამაში ხელს უწყობს მეტყველების განვითარებას, ამცირებს მარტოობის განცდას და ზრდის თვითდაჯერებულობას. ბავშვებისთვის ცხოველები ხშირად ემოციური საყრდენები მათი საიდუმლო მეგობრები და საუკეთესო მსმენელები ხდებიან.

ფიზიკური აქტივობა
ძაღლთან სეირნობა ან კატასთან თამაში ბუნებრივად ზრდის ფიზიკურ აქტივობას. თანამედროვე ტექნოლოგიურ სამყაროში, ბავშვებს ხშირად ეკრანთან ჯდომა ურჩევნიათ, ცხოველი კი მათ მოძრაობისკენ უბიძგებს.

მეგობრობა
ცხოველი ბავშვისთვის ხშირად ყველაზე ერთგული და გულწრფელი მეგობარია. ეს კავშირი ხშირად ზრდასრულობამდე მიჰყვებათ და მთელი ცხოვრების მანძილზე რჩება სითბოსა და სიხარულის წყაროდ.

რჩევა მშობლებს
ცხოველი არ უნდა აღიქმებოდეს მხოლოდ როგორც სათამაშო. მნიშვნელოვანია, რომ ბავშვმა პატარაობიდანვე გააცნობიეროს — ცხოველსაც აქვს თავისი სურვილები, გრძნობები და საჭიროებები. სწორი დამოკიდებულება უყალიბებს ბავშვს სიკეთეს, სიფრთხილესა და თანაგრძნობის უნარს — თვისებებს, რომლებიც მის პიროვნებად ჩამოყალიბებაში მნიშვნელოვან როლს ასრულებს.